Listen to (songs with texts)
Shámshi Qaldaıaqovtyń ánderi
14 november, 21:42
Shámshi Qaldaıaqov ánderi
ANA TÝRALY JYR
Sózi Ǵafý Qaıyrbekovtiki
Álemniń jaryǵyn,
Syıladyń sen maǵan.
Dalanyń ár gúlin,
Jınadyń sen maǵan.
Sen berdiń qustardyń,
Qanatyn samǵaǵan.
Balalyq qushtarym,
Ózińe arnaǵan.
Qaıyrmasy:
Áldılep aıalap,
Ósirgen jemisiń.
Samal jel, saıa baq,
Qushaǵyń men úshin.
Eseıip ketsem de,
Men saǵan sábımin.
Kóńilińdi kóktemdeı,
Kózińnen tanımyn.
Óteýge boryshym,
Anashym, jan syrym.
İzdedim sen úshin,
Álemniń asylyn.
Álemniń baılyǵyn,
Syılar em, kesh meni.
Syılar em aı, kúnin,
Qolyma túspedi.
Qaıyrmasy.
Ete gór qanaǵat,
Ázirge bererim –
Balalyq mahabbat.
Balalyq júregim.
Bol rıza, anashym,
Qoldaǵy osy bar.
Ózińe arnaǵan,
Ánimdi qosyp al.
Qaıyrmasy.
QAIDASYŃ?
Sózi N.Álimqulovtiki
Sol bir kez esimde
Jaǵasy bulaqtyń.
Aıly jaz keshinde
Syrlasqan uzaq tún.
Súıkimdi beıneńdi
Júrekte saqtadym.
Armanym, sol jerden
Sen ediń tapqanym.
Taǵy da sol jerge
Oraldym qaıtadan.
Áli tur gúlder de,
Samal jel shaıqaǵan.
Qol bulǵap jyraqta
Taý da tur ańsaǵan.
Sen joqsyń biraq ta
Qaıdasyń, qalqajan?!
Kórýge jaralǵan
Sen beıne aınasyń.
Ózińsiz taba alman
Saǵynysh aılasyn.
Kórinshi, kóńilge
Qýanysh jaılasyn.
Ańsadym júzińdi
Qalqataı, qaıdasyń?!
QAIYQTA
Bolsaqtaǵy jańa tanys,
Júzsek te alǵash qaıyqta.
Ushqyr qıal ketti-aý alys,
Buıyrmashy aıypqa.
Samal bolar tolǵandyrǵan,
Aıdyn shalqar kól betin.
Sáýlem, meni oılandyrǵan
Seniń jarqyn kelbetiń.
Kóldiń júzin nurlandyryp,
Tur ma seniń dıdaryń?
Sol beıneńdi turǵan kúlip,
Sý betine qımadym.
Eskegińdi bershi maǵan,
Men eseıin, sen espe.
Sý kúlkisi syldyrlaǵan
Seniń kúlkiń emes pe?
Ashylǵandaı aıdyn kólde
Úlken ómir esigi.
Sý betinde qaıyq, beıne –
Mahabbattyń besigi.
Jyljy, qaıyq, osy kólde,
Jyr toltyrshy janyma.
Mahabbattyń besiginde,
Terbeleıik taǵy da.
